პოლკოვნიკ ტარიელ შარიფაშვილის სახელობის კასპის მუნიციპალიტეტის სოფელ ზემო ხანდაკის საჯარო სკოლის კურსდამთავრებულებმა - ნიკა სამხარაძემ, ნათია რაზმაძემ, ვალერი ქამხაძემ, ლაშა მარღიშვილმა, ნინა მახარაძემ და გიორგი კელაპტრიშვილმა ერთიანი ეროვნული გამოცდები წარმატებით ჩააბარეს და მათთვის სასურველ უმაღლეს სასწავლებლებში ჩაირიცხნენ.
სკოლაში, კურსდამთავრებულთა მიღწევები ახარებთ, მათ აქტიურ მხარდამჭერებად რჩებიან და ახალგაზრდებს უსურვებენ არჩეულ პროფესიებს დიდი შემართებით დაეუფლონ, რათა მაღალი პროფესიონალიზმით ემსახურონ ქვეყანას და ასახელონ სკოლა, სოფელი და სამშობლო.
დირექცია და პედაგოგები კურსდამთავრებულებს სტუდენტობას დიდი სიყვარულით ულოცავენ და სჯერათ მათი წარმატებით არაერთხელ იამაყებენ.
აღსანიშნავია, რომ წელს ერთიანი ეროვნული გამოცდების შედეგად, 32 000-ზე მეტი აბიტურიენტი სტუდენტი გახდა.
