ქვედა საქარის საჯარო სკოლის მოსწავლემ, ბადრი ნებიერიძემ თურქეთში გამართულ ძიუდოს ტურნირში პირველი ადგილი დაიკავა
13-09-2024
ზესტაფონის მუნიციპალიტეტის სოფელ ქვედა საქარის საჯარო სკოლაში ნიჭიერი, მოტივირებული, მიზანდასახული და შრომისმოყვარე მოსწავლეები სწავლობენ.
აღსანიშნავია, რომ ისინი არამხოლოდ საგანმანათლებლო, არამედ სპორტულ აქტივობებშიც უდიდესი მონდომებით ერთვებიან. ამჯერად, მოსწავლე ბადრი ნებიერიძემ წარმატებას ძიუდოში მიაღწია.
ის თურქეთში, ქალაქ სამსუნში გამართულ ასპარეზობაში მონაწილეობდა. მოსწავლემ შესაძლებლობები გამოავლინა, ღირსეულად იასპარეზა და პირველი ადგილი დაიკავა.
„ვულოცავთ ბადრის პირველ ადგილს და ვუსურვებთ ოლიმპიური ჩემპიონობა მიგველოცოს“,- ამბობენ სკოლაში.
იხილეთ ვიდეო:
სკოლების სიახლეები
