უშანგი სოფრომაძის სახელობის თერჯოლის მუნიციპალიტეტის სოფელ ძევრის საჯარო სკოლას არაერთი წარმატებული თაობა აღუზრდია. დირექციამ, პედაგოგებმა თითოეული მოსწავლის განათლებაში დიდი შრომა ჩადეს.

აღსანიშნავია, რომ 2023-2024 სასწავლო წელს სკოლას 8 აბიტურიენტი ჰყავდა. მათგან რვავე სტუდენტი გახდა, 5-მა კი სახელმწიფო გრანტი მოიპოვა. 

სასკოლო საზოგადოებამ 2023-2024 სასწავლო წლის კურსდამთავრებულები ტაშით, დიდი ოვაციებით გააცილეს.

ახალგაზრდებმა სკოლაში გატარებული წლები გაიხსენეს, თითოეულ პედაგოგს მადლობა გადაუხადეს მათ განათლებაში ჩადებული შრომისა და გაწეული ღვაწლისთვის.

ეს დღე იქ მყოფი თითოეული ადამიანისთვის ძალიან ემოციური და დასამახსოვრებელი აღმოჩნდა.

როგორც აღნიშნავენ, კურსდამთავრებულებს ნამდვილად ეკუთვნოდათ ტრიუმფით გაცილება. 

იხილეთ ვიდეო: