ახალქალაქის მუნიციპალიტეტის სოფელ არაგვის საჯარო სკოლაში ახალი, 2024-2025 სასწავლო წელი დიდი ჟრიამულით დაიწყო. 

პედაგოგებმა მონატრებული მოსწავლეებისთვის სასკოლო სივრცე ბუშტებით და შესაბამისი დეკორაციით მორთეს და მათ სიხარულით შეეგებნენ.

აღსანიშნავია, რომ წელს სკოლას 6 პირველკლასელი ჰყავს, რომლებიც საზეიმო ვითარებაში მიიღეს. სკოლის დირექტორმა - ანდრიას აბდოიანმა მოსწავლეებს სიტყვით მიმართა, წარმატებები უსურვა და შემდეგ ნოუთბუქები გადასცა. 

დღემ სასიამოვნოდ ჩაიარა, მოსწავლეები კი სწავლას მონდომებით შეუდგნენ. 

იხილეთ ფოტოები: