გურჯაანის მუნიციპალიტეტის სოფელ გურჯაანის საჯარო სკოლაში ახალი სასწავლო წლის დაწყება იზეიმეს.
იქ თავდაპირველად, საქართველოს დროშა აღიმართა და ეროვნული ჰიმნი გაჟღერდა.
სადღესასწაულოდ მორთულ გარემოში პედაგოგები მონატრებულ მოსწავლეებს უდიდესი სიყვარულით შეეგებნენ, მიულოცეს და წარმატებული წელი უსურვეს.
სკოლის კარი პირველად შეაღეს პირველკლასელებმა, რომლებსაც კუთვნილი კომპიუტერები და წიგნები გადაეცათ.
„რა სასიამოვნო დროა, როდესაც სკოლა იწყება!
ძვირფასო ბავშვებო, გილოცავთ ახალი სასწავლო წლის დაწყებას! გისურვებთ წარმატებებს, ცოდნის გაღრმავებასა და უამრავ საინტერესო აღმოჩენას. იყავით ცნობისმოყვარეები, მიზანდასახულები და ყოველთვის ეძებეთ ახალი გამოწვევები.
მშობლებსა და მასწავლებლებს კი ვუსურვებ მოთმინებას, სითბოსა და სიყვარულს, რათა ბავშვებს საუკეთესო განათლება და გამოცდილება მიაწოდონ.
წარმატებული და ნაყოფიერი სასწავლო წელი ყველას“,- ამბობენ სკოლაში.
იხილეთ ფოტოები:
