წყალტუბოს მუნიციპალიტეტის სოფელ ცხუნკურის N1 საჯარო სკოლაში ახალი, 2024-2025 სასწავლო წელი ზარ-ზეიმითა და ჟრიამულით დაიწყო.
საზეიმოდ მორთული სკოლის კარი მოსწავლეებმა დიდი ხალისითა და ენთუზიაზმით შეაღეს. ეს დღე განსაკუთრებულად დაუვიწყარი და ემოციური პირველკლასელთათვის აღმოჩნდა, რომელსაც კუთვნილი სახელმძღვანელოები და კომპიუტერები საზეიმოდ გადაეცათ.
სკოლის დირექცია მოსწავლეებს ახალი სასწავლო წლის დაწყებას დიდი სიყვარულით ულოცავს და წარმატებებს უსურვებს.
„გილოცავთ ახალი სასწავლო წლის დაწყებას ყველას – მოსწავლეებს, მშობლებს, პედაგოგებს. გისურვებთ, რომ ეს წელი ყოფილიყოს მშვიდობიანი და წარმატებების მომტანი თითოეული ჩვენგანისთვის. განსაკუთრებით ვეფერებით და ვულოცავთ სასწავლო წლის დაწყებას ჩვენს პირველკლასელებს, რომლებმაც დღეს პირველად შემოაღეს ჩვენი სკოლის კარი, რათა სრულყოფილი ცოდნა სწორედ აქ მიიღონ. ამ ცოდნით კი, როცა დაფრთიანდებიან, ჩვენს ქვეყანას ემსახურონ და ღირსეული მამულიშვილობა გაუწიონ სამშობლოს“, - აღნიშნავენ სკოლაში.
იხილეთ ფოტოები:
