ლადო ასათიანის სახელობის ცაგერის მუნიციპალიტეტის სოფელ ბარდნალის საჯარო სკოლაში ახალ, 2024-2025 სასწავლო წელს მოსწავლეთათვის გრანდიოზული, საზეიმო დახვედრა მოეწყო.
სკოლის ეზოში, ახალი სასწავლო წლის პირველი საზეიმო დილა გაიმართა. ღონისძიება, რომელიც ამ მნიშვნელოვან დღეს მიეძღვნა ემოციური და შთამბეჭდავი აღმოჩნდა იქ მყოფი თითოეული ადამიანისთვის.
„ერთმანეთს მონატრება, ხალისიანი განწყობა, შთაბეჭდილებების გაზიარება და ცოდნის მიღების წყურვილი - ეს ყოველივე კარგად იგრძნობოდა მათი ხილვისას“, - გვიყვებიან სკოლაში.
სკოლის ეზოში აღმართული საქართველოს სახელმწიფო დროშა და თეთრი-წითელი ბუშტებით მორთული გარემო მეტად საზეიმო განწყობას უქმნიდა იქ მყოფ თითოეულ ადამიანს.
ღონისძიებაზე სკოლის დირექტორმა - მთვარისა ახვლედიანმა მოსწავლეებს სიტყვით მიმართა. მან მთელ სასკოლო საზოგადოებას მიულოცა ახალი სასწავლო წლის დაწყება და თითოეულ მოსწავლეს წარმატებული, ნაყოფიერი სასწავლო წელი უსურვა.
„ლადო ასათიანის სახელობის ბარდნალის საჯარო სკოლა ყველა მოსწავლესა და მასწავლებელს გილოცავთ ახალი სასწავლო წლის დაწყებას და წარმატებებს გისურვებთ!“, - აღნიშნავენ სკოლაში.
სასკოლო საზოგადოებას კარგად აქვს გაცნობიერებული თუ რამდენად მნიშვნელოვანია მოსწავლეებისთვის მოტივაციის მიცემა, სწორედ ამიტომ მათ ყოველ წელს გრანდიოზულ დახვედრას უწყობენ.
იხილეთ ფოტოები:
