ცაგერის მუნიციპალიტეტის სოფელ ლასურიაშის საჯარო სკოლაში ახალი სასწავლო წელი საზეიმო ვითარებაში დაიწყო.
დირექტორმა - მარინა ბრეგვაძემ და პედაგოგებმა სასწავლო პროცესის განახლება მოსწავლეებს დღესასწაულად უქციეს.
სკოლის დირექციამ და მასწავლებლებმა მოსწავლეებს ეს მნიშვნელოვანი დღე მიულოცეს და წარმატებები უსურვეს.
ღონისძიება ლამაზ და მრავალფეროვან აქტივობებს მოიცავდა, მოსწავლეებმა წარმოაჩინეს შემოქმედებითი უნარები - მხატვრულად წაიკითხეს ლექსები, სიმღერები, შეასრულეს საცეკვაო ნომრები, გაიმართა სახალისო ვიქტორინა, კითხვა-პასუხის რეჟიმში ჩაერთნენ როგორც მოსწავლეები, ისე მასწავლებლები.
სკოლის დირექტორმა - მარინა ბრეგვაძემ სასკოლო საზოგადოებას გასული სასწავლო წლის საქმიანობის ანგარიში წარუდგინა, მოსწავლე-მასწავლებლებს ახალი სასწავლო წლის დაწყება მიულოცა და წარმატებები უსურვა.
