ნინოწმინდის მუნიციპალიტეტის სოფელ უჩმანის საჯარო სკოლაში ახალი, 2024-2025 სასწავლო წელი დიდი ზარ-ზეიმით დაიწყო.
ამ მნიშვნელოვან დღესთან დაკავშირებით სკოლის ეზოში ლამაზი და ემოციური ღონისძიება გაიმართა, რომელშიც ბავშვები დიდი ენთუზიაზმით ჩაერთნენ.
დირექციამ, პედაგოგებმა მოსწავლეთათვის სკოლის ეზო და საკლასო ოთახები ლამაზად, ბუშტებით გააფორმეს, რამაც მოსწავლეებს განწყობა კიდევ უფრო აუმაღლა.
ეს დღე განსაკუთრებით ამაღელვებელი, დასამახსოვრებელი და ემოციური იყო პირველკლასელთათვის, რომლებმაც სკოლის კარი პირველად შეაღეს. ბავშვებს ლამაზად გაფორმებულ საკლასო ოთახებში კუთვნილი კომპიუტერები და წიგნები დახვდათ, რამაც ისინი ძალიან გაახარა.
სასკოლო საზოგადოება თითოეულ მოსწავლეს ულოცავს ახალი სასწავლო წლის დაწყებას და ნაყოფიერ, ბედნიერ, წარმატებულ სასწავლო წელს უსურვებს.
იხილეთ ფოტოები:
