ხელვაჩაურის მუნიციპალიტეტის სოფელ მარადიდის საჯარო სკოლაში 2024-2025 სასწავლო წელი ზარ-ზეიმით დაიწყო.
გაიმართა მოსწავლეთა მისაღები ღონისძიება, რომელიც მოსწავლეთა მოტივაცია-წახალისებას, განწყობის ამაღლებასა და მათი მიღწევების აღნიშვნას ემსახურებოდა.
შემოქმედებითი ნაწილის შემდეგ, გასული სასწავლო წლის წარმატებული მოსწავლეების დაჯილდოების ცერემონიალი ჩატარდა. მოსწავლეებს მათი წარმატების დამადასტურებელი სიგელები გადაეცათ. მოსწავლეებს სიტყვით მიმართეს დირექციამ და პედაგოგებმა და წარმატებული სასწავლო წელი და ცოდნის მწვერვალების დაპყრობა უსურვეს.
16 სექტემბერი განსაკუთრებით ამაღელვებელი იყო პირველკლასელებისთვის, მათთვის ხომ პირველი ზარი დაირეკა. პატარები კომპიუტერებითა და „დედა ენით“ დასაჩუქრდნენ, პედაგოგებმა კი მათ სასკოლო ცხოვრების პირველი ნაბიჯები დიდი სიყვარულით დაულოცეს.
იხილეთ ფოტო-ვიდეომასალა:
