16 სექტემბერს, წყალტუბოს მუნიციპალიტეტის სოფელ გეგუთის ვარციხჰესების საჯარო სკოლის კარი მოსწავლეებმა დიდ ზარ-ზეიმით შეაღეს.
მონატრებულ მოსწავლეებს დირექციამ და პედაგოგებმა საზეიმო დახვედრა მოუწყვეს და ახალი სასწავლო წლის დაწყება დიდი სიყვარულით მიულოცეს.
„ძვირფასო მოსწავლეებო, პატივცემულო მშობლებო, კოლეგებო! გილოცავთ 2024-2025 სასწავლო წლის დადგომას. ეს დღე ყოველთვის სავსეა დიდი მღელვარებითა და ემოციებით, რომლებიც დადებითად გვმუხტავს და შემართებას გვმატებს. შემართებას, რომელმაც უნდა დაგვაძლევინოს ყველა დაბრკოლება, რათა შევძლოთ ცოდნის მწვერვალების დაპყრობა. ერთგულ მეგზურად გვიგულეთ თქვენს გვერდით ცოდნის რთულ,მაგრამ საინტერესო გზებზე. გვიყვარხართ და დიდი შემართებით ვიწყებთ...“,- აღინიშნა სკოლაში.
აღსანიშნავია, რომ სკოლა სასწავლო წელს მნიშვნელოვანი სიახლით შეხვდა. 2024-2025 სასწავლო წლიდან ყველა საფეხურის მოსწავლე სკოლაში სასკოლო ფორმით ივლის.
სკოლის ლოგოან მაისურებში გამოწყობილი მოსწავლეები და მათ მოტივაციაზე მზრუნველი პედაგოგები სასწავლო პროცესის განახლებას დიდი შემართებითა და სიხარულით შეხვდნენ.
იხილეთ ფოტოები:
