წყალტუბოს მუნიციპალიტეტის სოფელ საყულიის საჯარო სკოლა ახალ სასწავლო წელს მოსწავლეებს, განსაკუთრებით პირველკლასელებს ზარ-ზეიმით შეხვდა.

ეს დღე მათთვის გამორჩეულად ემოციური და ამაღელვებელი იყო.

„მათ ცოდნის ტაძარში შემოაბიჯეს გაცისკროვნებული სახეებითა და ცნობისმოყვარე თვალებით. მოსწავლეები სასწავლო წელს ამაღლებული განწყობით შეხვდნენ. მათ წაიკითხეს ლექსები და შეასრულეს სიმღერები“, - გვიყვებიან სკოლაში.

მოსწავლეები დიდი სიყვარულით ულოცავენ პედაგოგებს, თანატოლებსა და მშობლებს სწავლის დაწყებას, მათ უსურვებენ საინტერესო, წარმატებულ სასწავლო წელს.

ასევე სასწავლო წლის დაწყებას ყველა მოსწავლეს ულოცავს სკოლის დირექცია და პედაგოგები. მათ წარმატებულ მომავალს უსურვებენ.

იხილეთ ფოტო-ვიდეომასალა: