ახალქალაქის N4 საჯარო სკოლაში ახალი, 2024-2025 სასწავლო წელი საზეიმოდ დაიწყო. მოსწავლეებს, განსაკუთრებით პირველკალსელებს სკოლაში დიდი სიყვარულით შეეგებნენ.
სკოლაში, პირველკლასელთათვის ღონისძიება გაიმართა. წელს სკოლას 44 პირველკლასელი ჰყავს. მათ დირექტორმა - გაიანე კარახანიანმა სწავლის დაწყება მიულოცა და წარმატებები უსურვა.
აღსანიშნავია, რომ ახალქალაქის N4 საჯარო სკოლა გამორჩეულია მაღალკვალიფიციური აკადემიური პერსონალით. 2023-2024 სასწავლო წელი სკოლისთვის ძალიან წარმატებული და ნაყოფიერი იყო; წელს 16 კურსდამთავრებული წარმატებით ჩაირიცხა საქართველოს სხვადასხვა უნივერსიტეტში, ხოლო 8 კურსდამთავრებულმა, როგორც სკოლაში აღნიშნავენ, სწავლა საზღვარგარეთ გააგრძელა.
მუნიციპალიტეტის მასშტაბით გამართულ პროექტული სწავლების კონკურსში, სკოლის მასწავლებელმა - თაქუშ სარგისიანმა გაიმარჯვა და ფულადი ჯილდო გადაეცა მუნიციპალიტეტის მერიისგან.
აღსანიშნავია ასევე, რომ სკოლის სამოქალაქო განათლების კლუბმა პედაგოგ რუზანნა ერემიანის ხელმძღვანელობით, ლიდერი სკოლის სტატუსი მოიპოვა და სამოქალაქო განათლების პროგრამისგან საჩუქრად ტექნიკა გადაეცა.
სკოლას კონკურსის წესით შერჩეული, მაღალკვალიფიციური დირექტორი გაიანე კარახანიანი ხელმძღვანელობს.
„ჩვენ ორიენტირებულები ვართ თითოეული მოსწავლის წარმატებაზე, რითიც წვლილი შეგვაქვს სამოქალაქო საზოგადოების ჯანსაღ განვითარებაში“ - აღნიშნა დირექტორმა - გაიანე კარახანიანმა პირვლკლასელთა საზეიმოდ მიღების ცერემონიაზე.
იხილეთ ფოტოები:
