ოტია იოსელიანის სახელობის ქალაქ წყალტუბოს N1 საჯარო სკოლაში მრავალფეროვანი სასწავლო გარემოა შექმნილი.
ამჯერად, იქ კულტურულ-ჰუმანიტარული ფონდი „სოხუმის“ ორგანიზებით, კიდევ ერთი საინტერესო შეხვედრა გაიმართა, რომლის თემაც მედიაცია გახლდათ.
მედიაციის შესახებ ტრეინინგს ფონდ „სოხუმის“ ტრენერი და წარმომადგენელი - გურანდა გვანცელაძე უძღვებოდა. ბოლოს როლური თამაში გაიმართა, რომლის ფარგლებშიც მონაწილეებმა მედიატორის, მოსარჩელისა და მოპასუხეთა როლები მოირგეს.
აღსანიშნავია, რომ შეხვედრა სკოლის დირექტორმა - ფაქიზო ფანჩულიძემ დადებითად შეაფასა.
„მედიაცია — დავის გადაწყვეტის ალტერნატიული მექანიზმია. აღნიშნული შესაძლებელს ხდის დავის გადაწყვეტას სასამართლოს გარეშე. მედიაციის მიმდინარეობისას მიუკერძოებელი მესამე მხარე ეხმარება მხარეებს კონფლიქტის მოგვარებაში“,- სწორედ ამ საკითხზე ისაუბრეს სკოლაში.
იხილეთ ფოტოები:
