საქართველოს საპატრიარქოს წმინდა ნინოს სახელობის მართლმადიდებლურ სკოლაში მოსწავლეთა ინტერესებს მორგებული სასწავლო გარემოა შექმნილი. აქ ბავშვების მრავალმხრივ განვითარებას მნიშვნელოვანი ყურადღება ექცევა. 

1 ოქტომბრიდან, წმინდა ნინოს სახელობის მართლმადიდებლურ სკოლაში, მუშაობას იწყებს თეატრალური სტუდია „რამპა“, რომელსაც მარი თაბაგარი უხელმძღვანელებს.

დასში მიიღებიან 8 -17 წლამდე მოსწავლეები, რომლებიც შეისწავლიან:

• მხატვრულ კითხვას, სასცენო ოსტატობას;
• დაეუფლებიან სამსახიობო პლასტიკასა და უნარ-ჩვევებს;
• შეიძენენ საზოგადოებასა და ერთმანეთთან ურთიერთობის კულტურას;
• გაეცნობიან ლიტერატურასა და ხელოვნებას;
• გაიმდიდრებენ ლექსიკას;
• მონაწილეობას მიიღებენ სპექტაკლებში. 

სტუდია დაინტერესებულ მოსწავლეებს იწვევს და საინტერესო შემოქმედებით მოგზაურობას ჰპირდება.