სკოლის ეზოში გამართული ზეიმი, ბუშტებით ხელდამშვენებული პირველკლასელები, ერთმანეთს მონატრებული მასწავლებლები და მოსწავლეები და საზეიმო ჟივილ-ხივილი - ასე, ამაღლებული განწყობით დაიწყო ახალი სასწავლო წელი მარნეულის N2 საჯარო სკოლაში.
წელს, მარნეულის N2 საჯარო სკოლაში პირველი ზარი 100 პირველკლასელისთვის დაირეკა. სასკოლო საზოგადოება საზეიმოდ შეეგება ახალწვეულებს და მათ დაუვიწყარი დახვედრა მოუწყო.
მეორე კვირაა რაც სასწავლო პროცესი მიმდინარეობს, მარნეულის N2 საჯარო სკოლის საზოგადოებისთვის კი, პირველი დღის განწყობა და შემართება ჯერ კიდევ ურყევია.
სასკოლო საზოგადოებისთვის, განსაკუთრებით მამოტივირებელი იყო ადმინისტრაციის მიმართვა, ახალი სასწავლო წლის მილოცვა და გზავნილი, რომლითაც მოსწავლეებს სწავლის სტიმული მიეცათ -მის გარეშე, ხომ აკადემიური წარმატების მიღწევა შეუძლებელია.
იხილეთ ფოტო და ვიდეომასალა:
