ჭალადიდის საჯარო სკოლის მე-7 კლასელებს მათემატიკისა და ისტორიის ინტეგრირებით საინტერესო გაკვეთილი ჩაუტარდათ
23-09-2024
ხობის მუნიციპალიტეტის სოფელ ჭალადიდის საჯარო სკოლაში სასწავლო პროცესი აქტიურად მიმდინარეობს.
ამჯერად, მეშვიდე კლასში მათემატიკის პედაგოგის - ნათია კახნიშვილის ხელმძღვანელობით, საინტერესო გაკვეთილი ჩატარდა. მისი თემა იყო ნატურალური რიცხვების ჩაწერის პოზიციური და არაპოზიციური სისტემები, ძველი ქართული ნუმერაცია.
მოსწავლეებმა საძიებო სისტემა Google-ის საშუალებით, დავით აღმაშენებლის და სხვადასხვა ისტორიული ფაქტების შესახებ ინფორმაცია მოიძიეს და საგან ისტორიასთან ინტეგრირებით გაკვეთილი ჩატარდა. გაკვეთილს ისტორიის პედაგოგი - ლალი ბანძელაძე ესწრებოდა.
როგორც მასწავლებელი ნათია კახნიშვილი გვიყვება, მეშვიდეკლასელებმა არაბულ და რომაულ ნუმერაციებზე მოძიებული ინფორმაცია თვალსაჩინოდ წარადგინეს. შედეგად კი, გაკვეთილი საინტერესო და სახალისო იყო.
სკოლების სიახლეები
