დავით გურამიშვილის სახელობის მცხეთის მუნიციპალიტეტის სოფელ საგურამოს საჯარო სკოლაში, ახალი, 2024-2025 სასწავლო წელი საზეიმოდ დაიწყო.
სკოლის დირექციამ და მასწავლებლებმა იზრუნეს, რომ ბავშვებს ლამაზი გარემო და სადღესასწაულოდ მორთული საკლასო ოთახები დახვედროდათ.
აღნიშნული დღის აღსანიშნავად, სკოლის ეზოში, ზეიმი გაიმართა, სადაც ბავშვებმა იცეკვეს, იმღერეს, შემოქმედებითი უნარები წარმოაჩინეს და დამსწრე საზოგადოების დიდი მოწონება დაიმსახურეს.
ზეიმზე, სკოლის დირექტორმა - ნანა ბედუკაძემ, მოსწავლეებსა და მშობლებს ახალი სასწავლო წლის დაწყება მიულოცა, მათ ნაყოფიერი სასწავლო წელი უსურვა.
როგორც სკოლაში გვიყვებიან, ბავშვებს სწავლის დაწყება ასევე მიულოცეს სასულიერო პირებმა და მასწავლებლებმა. წარჩინებული მოსწავლეები დაჯილდოვდნენ სიგელებით, პირველკლასელებს კი საზეიმო ვითარებაში გადაეცათ ბუკები.
სკოლის დირექცია და სასკოლო საზოგადოება ულოცავს მოსწავლეებს ახალ სასწავლო წლის დაწყებას და წარმატებულ წელს უსურვებს.
იხილეთ ფოტოები:
