ახალქალაქის მუნიციპალიტეტის სოფელ ალათუმანის საჯარო სკოლაში სასწავლო პროცესი წარმატებით, საზეიმო ვითარებაში განახლდა.
დირექციამ და პედაგოგებმა ბავშვების განწყობაზე იზრუნეს და სკოლა სადღესასწაულოდ მორთეს. ბუშტებითა და ლამაზი დეკორაციებით მორთულ-მოკაზმულმა საკლასო ოთახებმა კი ბავშვების მოტივაცია კიდევ უფრო აამაღლა.
ეს დღე განსაკუთრებით ემოციური და ამაღელვებელი პირველკლასელებისთვის იყო, რომლებმაც სკოლის კარი პირველად შეაღეს. მათ სასკოლო საზოგადოება დიდი სიყვარულით შეეგება.
სკოლაში ყველა მოსწავლე-მასწავლებელს ულოცავენ სწავლის დაწყებას და წარმატებებს უსურვებენ.
„ძვირფასო მოსწავლეებო, სტუდენტებო, საგანმანათლებლო სისტემის თანამშრომლებო, გულითადად გილოცავთ სწავლის დაწყებას - ცოდნის დღეს, განსაკუთრებით თბილად ვულოცავ პირველკლასელებს, რომლებმაც პირველად შეაბიჯეს სკოლაში. ეს წელი ყოფილიყოს ჯანმრთელობის, ახალი მიღწევების, წარმატებების და ახალი მწვერვალების დაპყრობის წელი.
გისურვებთ წარმატებას და ენთუზიაზმის დიდ მარაგს“, - აღნიშნავენ სკოლაში.
იხილეთ ფოტოები:
