ირაკლი ბაზაძის სახელობის საჩხერის მუნიციპალიტეტის სოფელ მახათაურის საჯარო სკოლა ტრადიციულად ახალ სასწავლო წელს დიდი სამზადისით შეხვდა.
მოსწავლეებს სკოლაში, სუფთა, მოწესრიგებული, სადღესასწაულოდ მორთულ-მოკაზმული და სასიამოვნო გარემო დახვდათ. ლამაზად მორთულმა საკლასო ოთახებმა მოსწავლეთა მოტივაცია და განწყობა კიდევ უფრო აამაღლა.
როგორც გვიყვებიან, სკოლამ განსაკუთრებით იზრუნა პირველკლასელებისთვის შეექმნა თბილი, ლამაზი და მიმზიდველი გარემო. მათ სკოლის კარი პირველად შეაღეს, სწორედ ამიტომ, დირექციასა და პედაგოგებს უნდოდათ ეს დღე ბავშვებისთვის განსაკუთრებული და ემოციური ყოფილიყო.
„ეს ჩანაფიქრი გამოგვივიდა და ჩვენი პატარების გულის გახარება შევძელით“, - აღნიშნავენ სკოლაში.
სასკოლო საზოგადოება ყველა მოსწავლესა და მასწავლებელს ულოცავს სწავლის დაწყებას. მათ წარმატებულ, ნაყოფიერ სასწავლო წელს უსურვებს.
იხილეთ ფოტოები:
