საქართველოს საპატრიარქოს წმინდა იოანე ბოლნელის სახელობის სკოლაში მოსწავლეთა სამოქალაქო ცნობიერების ამაღლებას მნიშვნელოვანი ყურადღება ექცევა.
სკოლაში აქტიურად მუშაობს სამოქალაქო განათლების კლუბი და მოსწავლეთა თვითმმართველობა. აქტიური მოსწავლეები ნაყოფიერ საქმიანობას ეწევიან.
სკოლაში აქტიურად დაიწყო სამოქალაქო განათლების კლუბის - „ცვლილებების პიკი“ პრეზიდენტობის და მოსწავლეთა თვითმმართველობის თავმჯდომარეების საარჩევნო კამპანია და საარჩევნო პროგრამის გაცნობა ამომრჩევლებისთვის.
მოსწავლეთა თვითმმართველობის თავმჯდომარის კანდიდატმა - საბა მანაგაძემ მოსწავლეებს საარჩევნო პროგრამა გააცნო და სამომავლო გეგმებსა და მიზნებზე ისაუბრა.
აღსანიშნავია, რომ საბა მანაგაძე 2022-2023 წლებში იყო სამოქალაქო განათლების კლუბის - „ცვლილებების პიკი“ პრეზიდენტი. 2023-2024 წლებში ბორდის წევრი და მოსწავლეთა თვითმმართველობის თავმჯდომარის მოადგილე. იგი დიდი ნდობით სარგებლობს სასკოლო საზოგადოებაში. არის რამდენიმე პროექტის ავტორი, მათ შორისაა - „დიპლომატიის სკოლა“.
იხილეთ ფოტოები:
