თბილისის N49 საჯარო სკოლის დირექციამ და მასწავლებლებმა მოსწავლეებს დაუვიწყარი დახვედრა მოუწყვეს
25-09-2024
თბილისის N49 საჯარო სკოლაში ახალი სასწავლო წელი დიდი ჟრიამულითა და ზეიმით დაიწყო.
მასწავლებლებმა მოსწავლეებს მართლაც დაუვიწყარი დახვედრა მოუწყვეს, მათ კლასები სხვადასხვა დეკორაციით გაალამაზეს და ბავშვების სადღესასწაულო განწყობაზე იზრუნეს.
ყველაზე პატარებს - პირველკლასელებს კუთვნილი წიგნები და კომპიუტერები, ბუშტებთან ერთად, სასწავლო მერხებზე დახვდათ.
სკოლაში საქართველოს დროშა აღიმართა და სახელმწიფო ჰიმნიც გაჟღერდა. სასკოლო საზოგადოებას სკოლის დირექტორმა - ეკატერინე ცაავამ სასწავლო წლის დაწყება მიულოცა და წარმატება უსურვა.
„ძვირფასო ბავშვებო, პედაგოგებო და მშობლებო, გილოცავთ ახალი, 2024 -2025 სასწავლო წლის დაწყებას. წარმატებულ, ნაყოფიერ და ბედნიერ სასწავლო წელს გისურვებთ“,- აღნიშნა სკოლის დირექტორმა.
იხილეთ ფოტოები:
სკოლების სიახლეები
