„ქართულ-ამერიკულ უმაღლეს სკოლაში“, სადაც ცხოვრების ჯანსაღი წესი და სპორტული ცხოვრება წახალისებული და მხარდაჭერილია, ოლიმპიურ ვარსკვლავს უმასპინძლეს.
სკოლას ოლიმპიური ჩემპიონი ლაშა შავდათუაშვილი ესტუმრა.
ჩემპიონი მოსწავლეებს შეხვდა და წარმატებისკენ მიმავალი გზის შესახებ ესაუბრა.
„ჩვენს მოსწავლეებს ჰქონდათ უნიკალური შესაძლებლობა, უშუალოდ მოესმინათ მისი ერთგულების, შეუპოვრობის, შრომისა და ძიუდოსადმი გატაცების შესახებ“,- გვიყვებიან სკოლაში.
შეხვედრა მოსწავლეებთან საინტერესო კითხვა-პასუხის რეჟიმში წარიმართა. ჩემპიონის შეუპოვრობა და მიზანსწრაფულობა კი მოსწავლეებისთვის მისაბაძი და სამაგალითო გახდა.
„მისმა შთამაგონებელმა სიტყვებმა ღრმა რეზონანსი გამოიწვია ჩვენს სტუდენტებში, წაახალისა ისინი რათა გასცდნენ თავიანთ საზღვრებს, როგორც აკადემიურად, ასევე პიროვნულად“,- დასძენენ სკოლაში.
იხილეთ ფოტოები:
