ნადიმ ართმელაძის სახელობის ხულოს მუნიციპალიტეტის სოფელ ბეღლეთის საჯარო სკოლაში ახალი სასწავლო წელი მნიშვნელოვანი სიახლითა და მოსწავლეთა ამაღლებული განწყობით დაიწყო.
მოსწავლეთა მიღება ახალი თანამედროვე სტანდარტებს მორგებული სკოლის ეზოში გაიმართა.
პირველკლასელებს საზეიმოდ გადაეცათ ბუკები, მათ წიგნიერების დიდ სამყაროში პირველი ნაბიჯები დირექციამ და პედაგოგებმა დიდი სიყვარულით მიულოცეს.
აღსანიშნავია, რომ ბეღლეთის საჯარო სკოლის მოსწავლეები წელს ახალ, კეთილმოწყობილ შენობაში ისწავლიან.
შენობა 150 მოსწავლეზეა გათვლილი, სადაც განთავსებულია საკლასო ოთახები, ლაბორატორიები, ბიბლიოთეკა, სპორტული დარბაზი, სააქტო დარბაზი და სასადილო.
შენობა ადაპტირებულია- არის ლიფტი, სველი წერტილები, პანდუსი. მოეწყო ღია სპორტული მოედანი.
სკოლის დირექცია და პედაგოგები ზრუნავენ მოსწავლეებისთვის შექმნან სასიამოვნო, უსაფრთხო გარემო, სადაც სწავლა-სწავლების პროცესი ხარისხიანად და მაღალ დონეზე წარიმართება.
იხილეთ ფოტოები:
