თბილისის N117 საჯარო სკოლაში ახალი სასწავლო წელი მოსწავლეთა ამაღლებული განწყობით, ზარ-ზეიმითა და დიდი ჟრიამულით დაიწყო.
16 სექტემბერს განსაკუთრებით მრავალფეროვანი იყო სკოლის ეზო, გარემოც მხიარული და საზეიმო გახლდათ, რადგან სასკოლო საზოგადოება პირველკლასელებს ელოდა.
თვალებციმციმა გოგო-ბიჭებმა კი, მეტად გაალამაზეს, გაამხიარულეს სასკოლო გარემო, სიყვარულით შეეგებნენ მასწავლებლებს და წიგნიერების დიდ სამყაროში პირველი ნაბიჯები თამამად გადადგეს.
„ჩვენი პატარა მეგობრები მოუთმენლად ელოდნენ საკლასო ოთახებში შესვლას, მერხებთან დასხდომას, მათთვის უცხო გარემოს გაცნობას, რაშიც მეთორმეტეკლასელები და მასწავლებლები დაეხმარნენ. მათსავით თბილი და ბრჭყვიალა იყო საკლასო ოთახებიც.
ჩვენო პირველკლასელებო, ჩვენო პატარა მეგობრები, ფეხბედნიერი იყოს თქვენი მობრძანება 117-ე სკოლაში!“, - ასე შეაფასეს პირველკლასელთა პირველი დღე სკოლაში და მათ სიყვარულით მიულოცეს სწავლის დაწყება.
იხილეთ ფოტო და ვიდეო:
