ბათუმის N7 საჯარო სკოლაში ახალი სასწავლო წელი საზეიმოდ დაიწყო.
სკოლას, კლასელებსა და საყვარელ პედაგოგებს მონატრებული მოსწავლეები სიხარულით დაუბრუნდნენ საკლასო ოთახებს და უკვე მეორე კვირაა სასწავლო პროცესში აქტიურად არიან ჩართულნი.
პედაგოგებიც მორთულ კლასებში გულთბილად დახვდნენ მოსწავლეებს და მათ ახალი სასწავლო წლის დაწყება მიულოცეს.
ბათუმის N7 საჯარო სკოლის დირექცია, სკოლის ყველა მოსწავლეს, პედაგოგიურ საზოგადოებას, სკოლის ყველა თანამშრომელსა და მშობელს ულოცავს ახალ სასწავლო წლის დაწყებას და უსურვებს წარმატებებს.
„ჩვენი სკოლა ადამიანური, მატერიალური და ფინანსური რესურსებით სრულ მზადყოფნაშია ახალი სასწავლო წლის დასაწყებად და ზოგადი განათლების ეროვნული მიზნების წარმატებით განსახორციელებლად. გილოცავთ ახალი სასწავლო წლის დაწყებას!“, - აღნიშნეს სკოლაში.
იხილეთ ფოტოები:
