დღეს, სოხუმის დაცემიდან 31 წელი გავიდა. წალენჯიხის N6 საჯარო სკოლაში საქართველოს უახლესი ისტორიის ეს ტრაგიკული დღე გაიხსენეს.
სოხუმის დაცემის დღსთან დაკავშირებით, საზოგადოებრივ მეცნიერებათა კათედრის მიერ სკოლაში დაიგეგმა და ჩატარდა სასწავლო პროექტი - „მე მიყვარს სოხუმი“.
პროექტს ხელმძღვანელობდა ისტორიის პედაგოგი ელენა გოგია.
პროექტის ფარგლებში გაიმართა საინტერესო აქტივობები: გამოკითხვა თემში, პრეზენტაცია, კინოჩვენება, დისკუსია, ბუკლეტების დარიგება.
მოსწავლეები აქტიურად იყვნენ ჩართული პროექტში. ემოციური იყო მათთვის სოხუმის დაცემის კადრები.
აღსანიშნავია, რომ მოსწავლეებს არაერთი საინტერესო კითხვა დაებადათ, თუმცა იყო მთავარი კითხვა - „დავბრუნდებით აფხაზეთში?“, რასაც აუდიტორიამ ერთხმად გასცა პასუხი: „აფხაზეთი სქართველოა!“.
სკოლაში მადლობას უხდიან პედაგოგ ელენა გოგიას და თითოეულ პროექტში მონაწილე მოსწავლეს.
იხილეთ ფოტოები:
