ნენიის საჯარო სკოლაში სასწავლო წელი ზარ-ზეიმით დაიწყო
01-10-2024
შუახევის მუნიციპალიტეტის სოფელ ნენიის საჯარო სკოლაში ახალი, 2024-2025 სასწავლო წლის დაწყება აღინიშნა.
თავდაპირველად, სასკოლო საზოგადოებას სკოლის დირექტორმა - ნუგზარ ქამადაძემ მიმართა. მან ადგილზე შეკრებილთ ეს მნიშვნელოვანი დღე მიულოცა და წარმატებები უსურვა.
პედაგოგებმა მოსწავლეებს ნამდვილი ზეიმი მოუწყვეს, ისინი ბავშვების დასახვედრად საგანგებოდ ემზადებოდნენ. მასწავლებლებმა პატარების განწყობაზე იზრუნეს და დაუვიწყარი ემოციები აჩუქეს.
თავის მხრივ, მოსწავლეებიც სკოლაში დიდი ხალისით, ყვავილებით ხელდამშვენებულები მივიდნენ. სკოლაში საქართველოს დროშა აღიმართა, ჰიმნი გაჟღერდა და სასწავლო პროცესიც დაიწყო.
იხილეთ ფოტოები:
სკოლების სიახლეები
