ლევან ბერიძის სახელობის შუახევის მუნიციპალიტეტის სოფელ ფურტიოს საჯარო სკოლაში, ახალი, 2024-2025 სასწავლო წელი დიდი ჟრიამულით დაიწყო. 16 სექტემბერს, სკოლის ზარი კიდევ ერთხელ საზეიმოდ დაირეკა.
მოსწავლეთა განწყობის ამაღლების მიზნით, სასკოლო და საკლასო გარემო ლამაზად, დეკორაციებით მოირთო. ეს დღე განსაკუთრებით გამორჩეული და დასამახსოვრებელი პირველკლასელებისთვის იყო, რომლებმაც სკოლის კარში პირველად შეაბიჯეს.
მათ კუთვნილი კომპიუტერები საზეიმო ვითარებაში გადაეცათ, ხოლო სკოლის წარჩინებული მოსწავლეები სიგელებით დაჯილდოვდნენ.
სკოლის დირექტორმა - ნაზი ქამადაძემ ყველა მოსწავლე-მასწავლებელს დიდი სიყვარულით მიულოცა სწავლის დაწყება.
„ვულოცავთ საქართველოს ყველა მოსწავლეს, მასწავლებელს, მშობელს, ახალი 2024-2025 სასწავლო წლის დაწყებას. ულევ წარმატებასა და ნაყოფიერ სასწავლო წელს ვუსურვებთ თითოეულ მათგანს, განსაკუთრებით პირველკლასელებს, რომლებსაც ყველაზე მეტად უხაროდათ სკოლის დაწყება“, - აღნიშნა სკოლის ხელმძღვანელმა.
იხილეთ ფოტოები:
