ვახტანგ ფირცხელავას სახელობის ქალაქ ჩხოროწყუს N2 საჯარო სკოლაში სოხუმის დაცემის დღე გაიხსენეს.

მოსწავლეებმა ისაუბრეს 1993 წლის 27 სექტემბრის ტრაგიკულ მოვლენებზე, გმირებზე, რომლებიც თავდადებით იცავდნენ სოხუმს. მათ ასევე წაიკითხეს თემატური ლექსები და პატივი მიაგეს ომში დაღუპულთა ხსოვნას.

ბავშვებმა ასევე, გმირთა მემორიალი მოინახულეს და გვირგვინით შეამკეს. 

ეს დღე ძალიან ემოციური და დასამახსოვრებელი იყო თითოეული მოსწავლისთვის.

31 წლის წინ, 1993 წლის 27 სექტემბერს სოხუმი დაეცა. სამხედრო დაპირისპირება აფხაზეთში 1992 წლის 14 აგვისტოს დაიწყო. კონფლიქტი ქართულ სამთავრობო ჯარებსა და აფხაზ სეპარატისტთა ძალებს შორის 13 თვესა და 13 დღეს გრძელდებოდა.

იხილეთ ფოტოები: