მესტიის მუნიციპალიტეტის სოფელ მულახის საჯარო სკოლაში მოსწავლეთა განწყობისა და მოტივაციის ამაღლებაზე ორიენტირებული გარემოა შექმნილი. ამას ადასტურებს ისიც, რომ ახალი სასწავლო წლის პირველ დღეს, სკოლაში, ნამდვილი დღესასწაული იყო.
სასკოლო და საკლასო გარემო ლამაზად - ბუშტებითა და დეკროაციებით მოირთო, რამაც მოსწავლეების განწყობაზე დადებითად იმოქმედა.
ეს დღე განსაკუთრებით ემოციური და დასამახსოვრებელი პირველკლასელებისთვის იყო, რომლებმაც სკოლის კარი პირველად შეაღეს. მათ დირექცია და პედაგოგები დიდი სიყვარულით შეეგებნენ.
დირექტორმა - ნელი გუჯეჯიანმა ყველა მოსწავლე-მასწავლებელს დიდი სიყვარულით მიულოცა ახალი სასწავლო წლის დაწყება და მათ წარმატებული წელი უსურვა
„მესტიის მუნიციპალიტეტის სოფელ მულახის საჯარო სკოლა ულოცავს ჩვენს მოსწავლეებს, მშობლებს, მასწავლებლებს ახალი 2024-2025 სასწავლო წლის დაწყებას. გვინდა ეს წელი იყოს წარმატების, ახალი სასიამოვნო ემოციებისა და თავგადასავლების წელი. განსაკუთრებით კი ჩვენს უსაყვარლეს პირველკლასელებს ვულოცავთ ამ ჯადოსნურ დღეს“, - აღნიშნა სკოლის დირექტრომა.
იხილეთ ფოტოები:
