საზეიმოდ განახლებული ახალი სასწავლო წელი და ამაღლებული განწყობა, რომელიც ჯერ კიდევ არ განელებულა თელავის მუნიციპალიტეტის სოფელ ვანთის საჯარო სკოლაში.
ტრადიციულად, ახალი სასწავლო წელი საზეიმოდ დაიწყო, მოსწავლეები მონატრებულ საკლასო ოთახებს დაუბრუნდნენ, მათ გულთბილი მასპინძლობა პედაგოგებმა გაუწიეს, ყვავილებით ხელებდამშვენებულმა პირველკლასელებმა და წიგნიერების დიდ სამყაროში პირველი ნაბიჯები გადადგეს.
16 სექტემბერი ემოციებითა და შთაბეჭდილებებით სავსე იყო ვანთის საჯარო სკოლაში, მართალია, უკვე რამდენიმე კვირაა, რაც სკოლებში სწავლა განახლდა, თუმცა ვანთის საჯარო სკოლის მოსწავლეებს, განწყობა, შემართება და მოტივაცია ისეთივე აქვთ, როგორიც სასწავლო წლის პირველ დღეს.
სკოლის დირექტორმა გია კირვალიძემ მოსწავლეებს 2024-2025 სასწავლო წლის დაწყება მიულოცა, განსაკუთრებით პირველკლასელებს, რომლებიც ცხოვრების ახალ საფეხურზე დადგნენ და პირველად შეაბიჯეს საკლასო ოთახებში, უსურვა მათ საინტერესო, ნაყოფიერი და წარმატებული სასწავლო წელი.
იხილეთ ფოტოები:
