აჟღერებული სახელმწიფო ჰიმნი და გაფორმებული საკლასო ოთახები ზარიძეების საჯარო სკოლაში
04-10-2024
თიანეთის მუნიციპალიტეტის სოფელ ზარიძეების საჯარო სკოლაში ახალი სასწავლო წელი საზეიმოდ, ამაღლებული განწყობით განახლდა.
ზეიმი საქართველოს სახელმწიფო ჰიმნის ფონზე დაიწყო, მოსწავლეებმა თავიანთი შემოქმედებითი უნარებით სასკოლო საზოგადოება აღაფრთოვანეს და ბოლოს, მრავალფეროვნად მორთულ საკლასო ოთახებს დაუბრუნდნენ.
აღსანიშნავია, რომ პირველი დღის განწყობა ჯერაც არ განელებულა სკოლაში და მოსწავლეები კვლავ შემართებითა და ამაღლებული მოტივაციით აგრძელებენ სწავლას.
16 სექტემბერს, სასკოლო საზოგადოებას ახალი სასწავლო წლის დაწყება მიულოცა სკოლის დირექტორმა ზვიად გიანაშვილმა და დღე, შეაფასა: „ჩემი საყვარელი ბავშვები გილოცავთ ახალი სასწავლო წლის დაწყებას! მხიარული და ფერადი დღე იყო“.
იხილეთ ფოტო და ვიდეომასალა:
სკოლების სიახლეები
