ჭუბერის საჯარო სკოლის ანსამბლმა - „ნენსკრა“ VIII ეროვნულ კონკურსში I ხარისხის დიპლომი მოიპოვა
07-10-2024
მესტიის მუნიციპალიტეტის სოფელ ჭუბერის საჯარო სკოლაში, ახალი, 2024-2025 სასწავლო წელი წარმატებით დაიწყო.
სკოლის ანსამბლი „ნენსკრა“, რომლის ხელმძღვანელი ლალი ჩხეტიანი გახლავთ, 29 სექტემბერს საქართველოს ბავშვთა და ახალგაზრდული საგუნდო კოლექტივების VIII ეროვნულ კონკურსში (კატეგორიაში - ქართული სიმღერა) წარმატებით (შედეგი: 94,42 ქულა) მონაწილეობდა.
ანსამბლმა (26 მონაწილე) კონკურსში I ხარისხის დიპლომი დაიმსახურა.
სკოლაში მოსწავლეებით ამაყობენ და მათ შემდგომ კონკურსებში წინსვლას უსურვებენ.
„გილოცავთ, დიდი სიხარულით, ანსამბლის ხელმძღვანელს, წევრებს, მშობლებს, სკოლას, ჭუბერის ხეობას! მრავალი სიხარული და წარმატება თქვენ!“, - აღნიშნავენ სკოლაში.
იხილეთ ფოტო-ვიდეომასალა:
სკოლების სიახლეები
