ხულოს მუნიციპალიტეტის სოფელ ვერნების საჯარო სკოლაში მასწავლებლები მოსწავლეთა ცოდნის გაღრმავებასთან ერთად, მათ მოტივაციასა და განწყობაზე ზრუნავენ.
სწორედ ამის დასტურია ის, რომ 2024-2025 სასწავლო წელი სკოლაში დიდი ჟრიამულითა და ხალისით დაიწყო. მონატრებული მასწავლებლები და მოსწავლეები ერთმანეთს დიდი სიხარულით შეხვდნენ, მათ ერთმანეთს ეს მნიშვნელოვანი დღე მიულოცეს და წარმატებული სასწავლო წელი უსურვეს.
განსაკუთრებული სიყვარულით კი ერთადერთ პირველკლასელს - დათა აბაშიძეს შეხვდნენ, მას კუთვნილი კომპიუტერი და წიგნები საზეიმოდ გადაეცა.
სკოლაში საქართველოს დროშა აღიმართა და სახელმწიფო ჰიმნიც გაჟღერდა.
„ყველა მოსწავლეს პედაგოგს და მშობელს გილოცავთ 2024-2025 სასწავლო წლის დაწყებას. ნაყოფიერი და წარმატებული წელი ყოფილიყოს ყველასათვის“,- აღნიშნეს სკოლაში.
იხილეთ ფოტოები:
