ექვთიმე თაყაიშვილის სახელობის ზესტაფონის მუნიციპალიტეტის სოფელ ქვედა საზანოს N2 საჯარო სკოლაში მოსწავლეთა განწყობისა და მოტივაციის ამაღლებაზე ორიენტირებული გარემოა შექმნილი.

სწორედ ამიტომ, ახალი, 2024-2025 სასწავლო წელი სკოლაში საზეიმო ვითარებაში დაიწყო. 16 სექტემბერს სკოლაში ნამდვილი დღესასწაული იყო.

ამ მნიშვნელოვან დღესთან დაკავშირებით, სკოლაში, ღონისძიება ჩატარდა, რომელშიც ბავშვები დიდი მონდომებით ჩაერთნენ. მათ იმღერეს, იცეკვეს, შესაძლებლობები შესანიშნავად წარმოაჩინეს.

ეს დღე თითოეული მოსწავლისთვის დასამახსოვრებელი და ემოციური იყო.

სკოლის დირექტორმა - სალომე ჭუმბურიძემ სწავლის დაწყება მოსწავლე-მასწავლებლებს დიდი სიყვარულით მიულოცა და მათ ბედნიერი, წარმატებული წელი უსურვა.

იხილეთ ფოტოები: