დმანისის მუნიციპალიტეტის სოფელების - დიდი დმანისისა და ბოსლების საჯარო სკოლებში განსაკუთრებული ყურადღება ეთმობა სპორტის პოპულარიზაციასა და მოსწავლეების წახალისებას იცხოვრონ ჯანსაღი ცხოვრების წესით.
დმანისის მუნიციპალიტეტში სასკოლო სპორტის სეზონი გაიხსნა, „2024-2025 წლის სასკოლო სპორტული ოლიმპიადის“, გახსნასთან დაკავშირებით, „მხიარულ სტარტებში“ შეჯიბრი გაიმართა.
აღსანიშნავია, რომ შეჯიბრი დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის ორგანიზებით მოეწყო.
ოლიმპიადაში დიდი ინტერესითა და მონდომებით ჩაერთნენ დიდი დმანისის და ბოსლების ll-VI კლასის მოსწავლეებიც, თავიანთი სპორტული უნარები გამოამჟღავნეს და შეჯიბრში წარმატებით იასპარეზეს.
ბოლოს, გაიმართა მოსწავლეთა გარბენი რის შემდეგაც, მუნიციპალიტეტში სასკოლო სპორტის სეზონი გახსნილად გამოცხადდა.
იხილეთ ფოტოები:
