თბილისის N190 საჯარო სკოლის დირექცია და პედაგოგები მოსწავლეთა მიღწევებსა და წარმატებებს ყოველთვის მხარს უჭერენ. 

სკოლა ამჯერად მოსწავლის - ნინო აფციაურის სპორტულ წარმატებას გვიზიარებს დიდი სიხარულით.

4 ოქტომბერს, ქ.თბილისში, ძიუდოს აკადემიაში, ჩატარდა საქართველოს ჩემპიონატი, გოგონებს შორის, სადაც N190 საჯარო სკოლის მოსწავლემ, 57 კგ. წონით კატეგორიაში ყველა მეტოქე დაამარცხა და გახდა ჩემპიონი. მოსწავლე ოქროს მედლით დაჯილდოვდა.

გამარჯვებული მოსწავლის კლასის დამრიგებელი - შორენა აბრამიშვილი, მწვრთნელი კი ნიკოლოზ ქოთუაშვილი გახლავთ.

სასკოლო საზოგადოება მას ამ დიდ გამარჯვებას ულოცავს.

„ვულოცავთ ნინოს ამ გამარჯვებას და მასთან ერთად, N190 საჯაროს სკოლის ძიუდოს სექციის ბავშვებს!“, - აღნიშნავენ სკოლაში.