საქართველოს საპატრიარქოს წმინდა იოანე ბოლნელის სახელობის სკოლა და ბოლნისის მუნიციპალიტეტის სოფელ ნახიდურის საჯარო სკოლა აქტიურად თანამშრომლობენ, ერთმანეთს გამოცდილებას უზიარებენ და სკოლებში თანამშრომლობით კულტურას ნერგავენ.
7 ოქტომბერს კი, საქართველოს საპატრიარქოს წმინდა იოანე ბოლნელის სკოლის სამოქალაქო განათლების კლუბმა - „ცვლილებების პიკი“, სამოქალაქო განათლების პედაგოგ ირინა მიქავას ფასილიტაციით უმასპინძლა, ნახიდურის საჯარო სკოლის მოსწავლეების სამუშაო გუნდს, მათ პედაგოგ, ნინო ავალიანთან ერთად პროექტის - „მედიაწიგნიერება ჩემს სკოლაში“, ფარგლებში.
მოსწავლეებმა ერთობლივად შექმნეს საგაზეთო სტატიები, რომლებიც გაჯერებული იყო ყალბი ამბებით ( fake News), ფოტომანუპულაციებით, „ქლიქბეითებით“ (სატყუარა, სათაურში გაჟღერებული პროვოკაციული განცხადება).
ახალი ამბებისთვის მოსწავლეებმა გამოიყენეს ფოტომასალა, რომელიც თანამედროვე მსოფლიოში მიმდინარე აქტუალურ თემებს ეხებოდა.
შეხვედრა საკმაოდ საინტერესო, შემეცნებითი და ნაყოფიერი აღმოჩნდა.
„დიდი მადლობა ნახიდურის საჯარო სკოლას და ინგლისურის პედაგოგ ნინო ავალიანს საინტერესო და ნაყოფიერი თანამშრომლობისთვის, ინციატივისთვის“, - საქართველოს საპატრიარქოს წმინდა იოანე ბოლნელის სახელობის სკოლა მადლობას უხდის სტუმრებს მობრძნებისთვის და პედაგოგს საინტერესო ინიციატივისთის.
იხილეთ ფოტოები:
