თბილისის N219 საჯარო სკოლაში მასწავლებლის პროფესია დაფასებულია. სწორედ ამიტომ, სკოლაში მასწავლებელთა საერთაშორისო დღე განსაკუთრებულად აღინიშნა.
სკოლაში, ქართული ენისა და ლიტერატურის კათედრის მასწავლებლებმა, ამ დღესთან დაკავშირებით, დაგეგმეს და განახორციელეს საზეიმო ღონისძიება.
ღონისძიებაში მოსწავლეები აქტიურად მონაწილეობდნენ. ბავშვებმა იმღერეს, იცეკვეს, პედაგოგებს მათ განათლებაში ჩადებული შრომისთვის მადლობა გადაუხადეს.
„ჩვენმა ნიჭიერმა მოსწავლეებმა ლამაზი წარმოდგენით მოგვილოცეს პროფესიული დღესასწაული“, - გვიყვებიან სკოლაში.
სკოლაში, აღნიშნული ღონისძიების ორგანიზებისთვის მასწავლებლებს მადლობას უხდიან და მათ პროფესიულ დღესასწაულს დიდი სიყვარულით ულოცავენ.
„უდიდესია მასწავლებელთა დამსახურება ქვეყნისა და ერის წინაშე. სახელმწიფოს განვითარებისა და წინსვლის საფუძველი განათლებული და გონიერი მომავალი თაობაა, ვისი ღირსეული აღზრდა მნიშვნელოვანწილად მასწავლებლებზეა დამოკიდებული, ამიტომაც გისურვებთ, რომ ძალიან ბევრი წარმატებული, ღირსეული და განათლებული თაობა აღგეზარდოთ!
ყველა მასწავლებელს ვულოცავთ მასწავლებელთა საერთაშორისო დღეს! მათ ვუსურვებთ მშვიდობას, ჯანმრთელობას, სიხარულს და მრავალ წარმატებას!“, - ამბობენ სკოლაში.
5 ოქტომბერს მასწავლებელთა საერთაშორისო დღეს მსოფლიოს 100-ზე მეტ ქვეყანაში აღნიშნავენ. ამ დღის მთავარი მიზანია მასწავლებელთა მხარდაჭერა, ღვაწლის დაფასება და მადლობის გადახდა საზოგადოებაში შეტანილი მნიშვნელოვანი წვლილისთვის.
იხილეთ ფოტოები:
