გიორგი ჭალადიდელის სახელობის სენაკის მუნიციპალიტეტის სოფელ ზემო ჭალადიდის საჯარო სკოლაში ნიჭიერი, შემოქმედებითი, მოტივირებული და მიზანდასახული მოსწავლეები სწავლობენ. 

იქ ახალგაზრდათა განვითარებაზე პროფესიონალ პედაგოგთა გუნდი ზრუნავს. სწორედ მათი თაოსნობით, მოსწავლეები, სასწავლო წლის განმავლობაში, არაერთ აქტივობაში ერთვებიან. 

განსაკუთრებით აღსანიშნავია, რომ ახლახან ისინი მასწავლებლის საერთაშორისო დღესთან დაკავშირებით გამართულ ღონისძიებაში მონაწილეობდნენ. 

მათ შესაძლებლობები გამოავლინეს, სხვადასხვა ნომერი გამართეს და საყვარელ პედაგოგებს პატივისცემა დაუდასტურეს.