სენაკის N1 საჯარო სკოლის მე-2 კლასელებმა ნიადაგის შემადგენლობა საინტერესო ცდით შეამოწმეს
15-10-2024
გენო ადამიას სახელობის ქალაქ სენაკის N1 საჯარო სკოლაში სასწავლო პროცესი საინტერესო აქტივობებითაა გაჯერებული, რომლებშიც მოსწავლეები დიდი ინტერესით ერთვებიან.
ამჯერად, სკოლაში მე-2გ კლასის მოსწავლეებმა, ბუნების გაკვეთილზე ჩაატარეს საინტერესო ცდა, მასწავლებლის ნონა ფარულავას ხელმძღვანელობით.
აღსანიშნავია, რომ საგაკვეთილო მასალა - „ნიადაგის შემადგენლობა“, გახლდათ.
მოსწავლეები დიდი გულისყურით აკვირდებოდნენ რომელი უფრო ადვილად გაატარებდა წყალს - ქვიშა თუ ნიადაგი.
პატარები დარწმუნდნენ, რომ ნიადაგი შეიცავს მარილებს, წყალს და მასში ბინადრობენ სხვადასხვა ორგანიზმები.
როგორც სკოლაში აფასებენ, გაკვეთილმა საინტერესოდ ჩაიარა, ბავშვები აღფრთოვანებას ვეღარ მალავდნენ.
იხილეთ ფოტოები:
სკოლების სიახლეები
