ბეღლეთის საჯარო სკოლის მოსწავლეებმა სპორტულ მარათონში საპრიზო ადგილები დაიკავეს
15-10-2024
ნადიმ ართმელაძის სახელობის ხულოს მუნიციპალიტეტის სოფელ ბეღლეთის საჯარო სკოლის პედაგოგები მოსწავლეთა ჯანსაღი ცხოვრების წესითა და სპორტით დაინტერესებაზე აქტიურად ზრუნავენ.
ამის დასტური ისიცაა, რომ მოსწავლეები, სასწავლო წლის განმავლობაში, თემატურ აქტივობებში ერთვებიან. ახლახან, ხულოს მუნიციპალიტეტის მერიის ორგანიზებით, მწვანე ტბის მიმდებარე ტერიტორიაზე, სპორტული მარათონი ჩატარდა. კერძოდ, შეჯიბრებები სირბილში, გირების აწევასა და მკლავჭიდში გაიმართა.
მარათონში ბეღლეთის საჯარო სკოლის მოსწავლეები აქტიურად ჩაერთნენ, შესაძლებლობები გამოავლინეს და საპრიზო ადგილებიც დაიკავეს.
- მარათონში გულნარა ართმელაძემ 1-ელი ადგილი დაიკავა;
- მარათონში თორნიკე კახაძემ მე-2 ადგილი დაიმსახურა;
- მკლავჭიდში ინეზა ართმელაძე პირველადგილოსანი გახდა;
- გირების აწევაში ლაშა კახაძემ მე-3 ადგილი მოიპოვა.
სკოლაში მათი მიღწევით ხარობენ.
იხილეთ ფოტოები:
სკოლების სიახლეები
