ხელვაჩაურის მუნიციპალიტეტის სოფელ სალიბაურის N2 საჯარო სკოლის პედაგოგები კარიერულ წინსვლასა და განვითარებაზე არიან ორიენტირებულნი. ისინი სხვადასხვა საგანმანათლებლო კონკურსში დიდი მონდომებით ერთვებიან, სადაც წარმატებას აღწევენ.
მათ შორის არიან მასწავლებლები - ლიანა ტაკიძე და მანანა კოჩაძე.
პედაგოგებმა აჭარის განათლების, კულტურისა და სპორტის სამინისტროს ინიციატივით გამოცხადებულ კონკურსში - „პროექტი ჩემს გაკვეთილზე“ გაიმარჯვეს.
ისტორია-გეოგრაფიის მასწავლებლის - ლიანა ტაკიძის პროექტი „მდგრადი განვითარება და საქართველო“ და ხელოვნების მასწავლებლის - მანანა კოჩაძის „ახალი ხედვა-ფანტაზია“ 100 გამარჯვებულ პროექტს შორის მოხვდა.
„პროექტის ფარგლებში უამრავი საინტერესო აქტივობაა დაგეგმილი, რაც კიდევ უფრო საინტერესოს გახდის საგაკვეთილო პროცესს“, - აღნიშნავენ სკოლაში.
სკოლის პედაგოგიური კოლექტივი ულოცავს კონკურსში გამარჯვებას პედაგოგებს: ლიანა ტაკიძესა და მანანა კოჩაძეს. მათ უსურვებს პროექტის წარმატებით განხორციელებას.
იხილეთ ფოტოები:
