მესტიის მუნიციპალიტეტის სოფელ ხაიშის საჯარო სკოლაში სვეტიცხოვლობისადამი მიძღვნილი ღონისძიება გაიმართა.
ღონისძიება, სახელწოდებით - „გილოცავთ სვეტიცხოვლობას“, 11 ოქტომბერს სკოლის ლიტერატურული კლუბის - „კარცერ-ლუქსის“, ორგანიზებით გაიმართა.
აღსანიშნავია, რომ ღონისძიებაში მონაწილეობდნენ დაწყებითი, საბაზო და საშუალო კლასის მოსწავლეები.
ღონისძიების მიზანი იყო მოსწავლეებისა და დამსწრე საზოგადოების ინფორმირება საქართველოს ერთ-ერთი უდიდესი საკათედრო ტაძრის, სვეტიცხოვლის, ისტორიის შესახებ - საკითხის ისტორიულ და ლიტერატურულ ჭრილში განხილვა, შემოქმედებითი, ინდივიდუალური და ჯგუფური უნარების განვითარება, აუდიტორიასთან საკომუნიკაციო უნარების გამომუშავება.
ღონისძიება მოიცავდა მრავალფეროვან აქტივობებს: სიმღერები, ცეკვები და ლექსები. კლუბის წევრმა მოსწავლეებმა შექმნეს კედლის გაზეთი, ვიდეორგოლები და მოაწყვეს საშემოდგომო კუთხე.
ლიტერატურული კლუბი მადლობას უხდის დამსწრე საზოგადოებას ჩართულობისთვის და დადებითი შეფასებისთვის.
იხილეთ ფოტოები:
