ვახტანგ ჭაბუკიანის სახელობის ქალაქ თბილისის N46 საჯარო სკოლის პედაგოგები განსაკუთრებით ზრუნავენ მოსწავლეებისთვის სასკოლო ცხოვრება იყოს საინტერესო და საკლასო ოთახებს მიღმაც, არაფორმალურ გარემოშიც მიიღონ განათლება.
ახლახან, X კლასს ისტორიის გასვლითი გაკვეთილი საქართველოს ეროვნულ მუზეუმში ჩაუტარდა.
მოსწავლეები გაეცნენ მუზეუმის ფონდში დაცულ მდიდარ არქეოლოგიურ და ეთნოგრაფიულ მასალას, დაათვალიერეს: დმანისში აღმოჩენილი ჰომინინების ნაშთების გამოფენა, რომელიც 1 800 000 წლით თარიღდება; ნეოლითისა და ბრინჯაოს ხანის პერიოდის არქეოლოგიური აღმოჩენები; ოქროს ფონდი, რომელიც ძვ.წ-მდე III ათასწლეულის || ნახევრიდან ჩვ.წ IV ს-ის ჩათვლით თარიღდება.
მათ ასევე ნახეს ოკუპაციის მუზეუმი; გეოლოგიის ,ბოტანიკის და ზოოლოგიის ვრცელი ფონდი.
აღსანიშნავია, რომ გასვლით აქტივობას პედაგოგი ნინო ღამბაშიძე ხელმძღვანელობდა.
იხილეთ ფოტოები:
