„მოსწავლეთა თვალსაწიერის გაფართოებისა და მათი ცოდნის გამდიდრების მიზნით ეროვნული სასწავლო გეგმა საშუალო საფეხურზე განსაზღვრავს არჩევითი საგნების მრავალფეროვან ჩამონათვალს და ასევე სკოლას აძლევს შესაძლებლობას, მოსწავლეთა ინტერესების გათვალისწინებით, ჩამონათვალისგან განხვავებული კურსი შეადგინოს და სამინისტროსთან შეთანხმების შემდეგ სასწავლო პროცესში ჩართოს.

არჩევითი კურსების ანაზღაურება მოხდება ახალი სახელფასო ფორმულის მიხედვით. მათ შორის ეს შეეხება უცხო ენების საგნობრივ ჯგუფში შემავალ ყველა და იმ არჩევით საგნებსაც, რომელიც ორი ან მეტი საგნობრივი ჯგუფისთვის საზიაროა (მაგ. მედიაწიგნიერება).

აღნიშნული ცვლილება ემსახურება ერთის მხრივ მოსწავლეთა ინტერესების წახალისებას და მეორეს მხრივ, მასწავლებელთა შრომის დაფასებას“, - აღნიშნულია სამინისტროს მიერ გავრცელებულ ინფორმაციაში. 

აღსანიშნავია ისიც, რომ ცვლილება ძალაში 1-ელი ოქტომბრიდან შევიდა.