გორის მუნიციპალიტეტის სოფელ უფლისციხის საჯარო სკოლაში, 8 ოქტომბერს, მოსწავლეთა თვითმმართველობის არჩევნები გაიმართა.
თვითმმართველობის კანდიდატებმა წინასწარ წარუდგინეს და გააცნეს ამომრჩევლებს თავიანთი საარჩევნო პროგრამები.
არჩევნები საკმაოდ მაღალი აქტივობით, ყველა წესისა და პროცედურის დაცვით წარიმართა და ფარული კენჭისყრით, თანასწორობის საფუძველზე ჩატარდა.
სკოლის დირექცია და პედაგოგები მოსწავლეთა სამოქალაქო ცნობიერების ამაღლებაზე აქტიურად ზრუნავენ, მოწაფეთა აქტიურობა და შემართება კი ახარებთ.
შეგახსენებთ, რომ მოსწავლეთა თვითმმართველობა არის მოსწავლეთა არჩევითი ორგანო, რომელიც წარმოადგენს სკოლის სტრუქტურულ ერთეულს. მოსწავლეები თავიანთ წარმომადგენლებს თვითმმართველობაში ირჩევენ თანასწორობის საფუძველზე, ფარული კენჭისყრით, კლასების მიხედვით თანაბარი წარმომადგენლობის პრინციპის დაცვით.
იხილეთ ფოტოები:
