თბილისის N128 საჯარო სკოლაში პროექტებით სწავლებასა და მოსწავლეებისთვის საინტერესო ინიციატივების შეთავაზება განსაკუთრებული ყურადღება ეთმობა, პროფესიონალი პედაგოგები მუდმივად ცდილობენ მოსწავლეებს განათლება არა მარტო სასკოლო სივრცეში შესთავაზონ, არამედ მათი თვალსაწიერი გააფართოვონ და არაფორმალურ გარემოშიც მათი ცნობიერების ამაღლება, საინტერესო აქტივობებით შეძლონ.
ამჯერად, სასკოლო პროექტის ფარგლებში - „ჩვენ ვირჩევთ პროფესიებს“, მე-10ბ კლასის მოსწავლეები დამრიგებელ მარინა მურადოვასთან და მოქალაქეობის მასწავლებელ ზვიად გოგნელაშვილთან ერთად, თავდაცვის სამინისტროს ბაზაზე არსებულ საბჭოთადროინდელ ბუნკერსაცავში იმყოფებოდნენ.
მოსწავლეები ადგილზე გაეცნენ სამოქალაქო თავდაცვის თეორიასა და შესაძლებლობებს და პრაქტიკაში დაათვალიერეს ბუნკერსაცავი.
ასევე, თავდაცვის სამინისტროს წარმომადგენელმა მოსწავლეებს მიაწოდა ინფორმაცია თავდაცვის აკადემიის შესახებ და თავდაცვის სფეროში არსებულ პროფესიებზე.
იხილეთ ფოტო და ვიდეომასალა:
