თეთრიწყაროს მუნიციპალიტეტის სოფელ გოლთეთის საჯარო სკოლაში მოსწავლეთა მოტივირებასა და განვითარებას დიდი ყურადღება ეთმობა. 

ყველაზე პატარების - პირველკლასელების განწყობასა და ცოდნის გაღრმავებაზე კი პედაგოგები განსაკუთრებულად ზრუნავენ. 

ახლახან, პირველკლასელებმა ანბანის შესწავლა დაიწყეს, რაც ღონისძიებით - „ანბანის შემობრძანება“, აღნიშნეს. ისინი თემატურ აქტივობებში მასწავლებლის - სოფიო ლიპარტელიანის ხელმძღვანელობით ჩაერთნენ. აღსანიშნავია, რომ მათ თემატური მაისურები ეცვათ, რომლებზეც დედაენა იყო გამოსახული. გარდა ამისა, ღონისძიების ბოლოს, კლასში ტორტიც გაიჭრა. 

მოსწავლეებისთვის ეს დღე მართლაც დაუვიწყარ მოგონებად გადაიქცა.

იხილეთ ფოტოები: